Törkiyä: “İzrail Ğazzädä utnı tuqtatu kileşüen bozunı tuqtatırğa tiyeş”
Monnan tış Törkiyäneñ Süriyä xalqınıñ barlıq qatlawlarınıñ tınıçlığı häm iminlege öçen yärdäm kürsätüne däwam itäçäge belderelde.
Törkiyä Milli İminlek şurası, çärşämbe könne urtaqlaşqan belderesendä, İzrailneñ Ğazzädäge utnı tuqtatu kileşüen bozıp başqarğan höcümnären şunduq tuqtatırğa häm üz yöklämälären ütärgä tiyeşlegen äytte.
Belderüdä, şulay uq, Törkiyäneñ Ğazzädä totrıqılılıq urnaştıru häm yañadan tözü tırışlıqlarına öleş kertäçäk mexanizmnarda cawaplılıq alırğa äzer buluına basım yasaldı.
Törkiyä ilbaşı Räcäp Täyyip Ärdoğan Änkarada ilbaşı rezidenśiyäsendä uzğan cıyılışnı citäkläde.
10 oktyabr’dä ğamälgä kergän utnı tuqtatu kileşüe nigezendä kön sayın 600 yärdäm maşinasınıñ Ğazzägä kerüe kiräk ide. Ämma İzrail könenä iñ kübe 200 yärdäm maşinasına ğına röxsät birä.
İzrail kileşüne ütämäde häm 10 oktyabr’dän birle kön sayın diyärlek başqarğan höcümnärendä kim digändä 342 fälästinleneñ ğomere özelde.
İzrail 2023 nçe yılnıñ oktyabrennän birle Ğazzädä başqarğan höcümnärendä kübese xatın-qızlar häm balalar bulğan 70 meñnän artıq keşene üterde häm 170 meñ 700dän artıq keşene yaraladı.
Milli İminlek şurası Änkaranıñ Süriyä xalqınıñ barlıq qatlamnarınıñ tınıçlığı häm iminlege öçen yärdämnären däwam itäçägen belderde.
Rusiya–Ukraina suğışındağı soñğı wäzğıyät’ne dä bäyälägän şura ğadel häm daimi tınıçlıq urnaştıru öçen Törkiyäneñ global’ partnyerları belän bergä alıp barğan tırışlıqların däwam itü öçen birgän wäğ’däsen rasladı.