“AQŞ qağıydälärgä nigezlängän tärtiptän yırağaya”
Bu xaqta Germaniya kanślerı citkerde.
Germaniya kanślerı Fridrix Merś comğa könne yasağan belderüendä AQŞ qağıydälärgä nigezlängän xalıqara tärtiptän köç häm milli mänfäğat’lär bilgelägän säyäsätkä küçä dip belderde häm Awrupağa üzen kürsätergä çaqırdı.
Merś Xeddesxaymda uzğan Xristian demokratik berlege çarasında çığış yasap, “Bez dön’yadağı iñ möhim berlektäşebezneñ — häm ul äle dä Amerika Quşma Ştatları — qağıydälärgä nigezlängän tärtiptän yırağaya baruın küräbez” dide häm xalıqara xoquqqa möräcäğat’ itü urınına, AQŞ säyäsäteneñ üseşe tulısınça köçkä häm mänfäğat’lärgä yünälgän säyäsätkä taba bara dip assızıqladı.
Kanśler Awrupanıñ “başın qomğa kümü” yäki geosäyäsi nişada yäşärgä tırışu mömkinlege yuqlığın assızıqladı häm mondıy strategiyäneñ uñışsız bulaçağın belderde.
AQŞ ilbaşı Donal'd Tramp çorındağı transatlantik dinamikaga tuqtalğan Merś, ägär citäkçelek üz yulın döres dip sanap däwam itsä, tänqıyt’neñ faydasız bulaçağın iskärtte.
Şulay da ul: “Ämma bez üzebezne keçkenä itep kürsätäbez, çigenäbez ikän — bezgä qaramayaçaqlar; ä menä Awrupada bezneñ belän ber teldä söyläşä torğan berlektäş partnyerlarıbız bulsa, alar bezne xörmät itäçäklär”,- dip äytte.