Süriyä dairäläre “YPG” terrorçı oyışması irekkä cibärgän 81 “DEAŞ” ağzasın qabat êläkterde
İlneñ êçke êşlär ministrlığı Äş-Şäddadi törmäsennän 120 “DEAŞ” mäxkümeneñ irekkä cibärelüennän soñ êzläw êşçänlekläreneñ däwam itüen belderde.
Süriyä êçke eşlär ministrlığı yasağan belderügä kürä, Xasäkäneñ tönyaq-könçığışındağı “äş-Şäddadi” törmäsennän “YPG” terrorçı oyışması çığarıp cibärgän 120 mäxkümneñ 81e yañadan qulğa alınğan.
Ministrlıq sişämbe könne yasağan belderüendä totqınnarnıñ äş-Şäddadi qasabasındağı törmädän azat itelüennän soñ Süriyä armiyäse berämlekläre häm êçke eşlär ministrlığınıñ maxsus operatsiya köçläre êzläwne başlawın belderde.
Belderüdä: "120 DEAŞ terrorçısınıñ äş-Şäddadidäge törmädän qaçuınnan soñ Süriyä armiyäse häm êçke eşlär ministrlığı köçläre şähärgä kerep kiñ qolaçlı êzläw häm tikşerü operatsiyäse uzdırdı," — diyelä. Operatsiya waqıtında 81 “DEAŞ” äğzasınıñ totqarlanuın beldergän ministrlıq, qalğan totqınnarnıñ urınnarın bilgeläw häm alarnı qulğa alu öçen êşçänleklärneñ däwam itüen östäde: "Qalğan “DEAŞ” terrorçıların êzläw êşläre däwam itä."
Êçke êşlär ministrlığınıñ êlekkege belderülärendä totqınnarnı törmädän “YPG” terrorçı oyışması çığaruı äytelgän ide.
Bu qurqınıçsızlıq operatsiyäse Süriyäneñ tönyaq-könçığışındağı kiñräk säyäsi häm xärbi üzgäreşlär barışında ütkärelde.
Yäkşämbe kiçendä Süriyä däwlät başlığı Äxmät äl-Şara “YPG” terrorçı oyışması citäkçlegendäge “SDG”nıñ däwlät oyışmalarına tulısınça integratsiyälänüen küzdä totuçı utnı tuqtatu kileşüen iğlan itte. Kileşü buyınça, oyışmanıñ xärbi qorılışları Färat yılgasınıñ könçığışına çigenäçäk, Raqqa häm Däyrizor vilayätläreneñ idari häm qurqınıçsızlıq kontrole isä Süriyä däwlätenä tapşırılaçaq. Monnan tış, çik buyı punktları, neft’ häm gaz mäydannarı belän grajdanlıq oyışmaları xökümät kontrolenä bireläçäk.
Kileşü Süriyä armiyäse başlağan häm ilneñ könçığış häm tönyaq-könçığışındağı kiñ mäydannarnı kire qaytarğan xärbi operatsiyädän soñ tözelde. Süriyä dairäläre, operatsiyäneñ “YPG” terrorçı oyışması citäkçlegendäge “SDG”nıñ yaqınça ber yıl êlek Dimäşq belän imzalagan êlekkege kileşülärne küp märtäbä bozuı säbäple başlanuın belderde.