İrandağı protestlarda kim digändä 16 keşe üterelde

Keşe xoquqların yaqlaw törkemnäre yäkşämbe könne yasağan belderüdä İranda ber atnağa suzılğan protestlarda kimendä 16 keşeneñ ğomere özelgän dip äyttelär.

İldä kütärelüçe inflyaŝiya säbäple başlanğan protestlar böten ilga cäyelep, demonstrantlar belän iminlek köçläre arasında köçle bäreleşlärgä kiterde.

Ülem häm qulğa alular turındağı xäbärlärne atna buyı däwlät mediası häm keşe xoquqların yaqlaw törkemnäre belderde, läkin sannar törle buldı. “Reuters” kebek ışanıçlı xäbär agentlıkları bu sannarnı bäysez räweştä raslıy almadı.

Ämma protestlarnıñ soñğı yıllarda ildä cäyelgän reakŝiya belderüçe protest çaraları çılbırına yañasın östäwen häm naçar iqtisad, şulay uq artuçı xalıqara basım belän bergä zäğif çorğa turı kilüe äytelä.

AQŞ ilbaşı Donald Tramp protestçılar köç qullanu belän oçraşsa, alarğa yärdäm itü öçen êşkä kereşä aluların äytte. Tramp comğa könne yasağan belderüendä: "Bez yärdämgä äzer," - dide läkin nindi adımnar yasarğa niyätläwen açıqlamadı.

Bu kisätüdän soñ yuğarı däräcäle İran räsmi zatları AQŞ köçlärenä cawap qaytaru belän yanadı. İrannıñ dini liderı Ali Xamaney isä ileneñ doşmanğa buysınmayaçağın äytte.

Yäkşämbe könne İzrail premyer-ministrı Binyamin Netanyaxu da İrandağı protestçılarnı yaqlawın belderde.

Ülüçelär sanı arta, İran xökümäte çaralarnı oyıştıruçılarğa yünälde

Keşe xoquqların yaqlaw aktivistları çeltäre “HRANA” kimendä 16 keşeneñ ülüen häm 582 keşeneñ qulğa alınuın belderde.

İrannıñ poliŝiya şefı Äxmäd-Räza Radan däwlät mediasına iminlek köçläreneñ soñğı ike köndä protest liderlarına qulğa alu öçen yünälüen, virtual moxittağı şaqtıy lidernıñ qulğa alınuın äytte.

Protestlar ber atna êlek bazardağı säwdägärlär häm waq säwdägärlär arasında başlandı, annan soñ universitet studentlarına häm qayber demonstrantlar İrannıñ dini citäkçelärenä qarşı şiğärlär äytkän şähärlärgä cäyelde.