İzrail AQŞnıñ İranğa höcüm itüen teli

Cirle mediada çıqqan xäbärlärgä kürä, Binyamin Netanyaxu AQŞtan qaytqan Armiya ğomum ştab başlığı Eyal’ Zamir da aralarında bulğan yuğarı däräcäle rämi zatlar qatnaşında iminlek cıyılışı ütkärde.

İzrail däwlät teleradiokompaniyase “KAN” yäkşämbe köne “Mossad” başlığı Dêvid Barneanıñ da cıyılışta qatnaşuın belderde.

Zamirnıñ bilgele itmäs öçen xärbi oçqıç urınına maxsus oçqıç belän AQŞqa baruı häm Vaşington citäkçelegen İranğa höcüm itü öçen künderergä tırışuı citkerelde.

İsemnären äytmiçä “Reuters” agentlığına intervyu birgän ike AQŞ räsmi zatı artqan İran kiyerenkelege şartlarında AQŞ häm İzrailneñ yuğarı däräcäle generallarınıñ comğa könne Pentagonda küreşüen açıqladı.

Räsmi zatlar AQŞ ğomum ştab başlığı Dên Keyn belän Zamir arasındağı yabıq işeklär artındağı söyläşüneñ neçkäleklären citkermäde.

AQŞ, Donald Trampnıñ İranğa küp märtäbä yanawınnan soñ Yaqın Könçığıştağı diñgez köçlären arttırıp, hawa saqlanuın nığıtsa da, maqsat İrannı söyläşü östälenä utırtu dip açıqlandı.

İran citäkçelege isä AQŞ höcüm itkän oçraqta töbäktä bäreleş çığaçağı turında iskärtte.

Kaś ofisı äytüençä Saqlanu ministrı İsraêl Kaś Vaşingtondağı oçraşularınnan soñ Zamir belän töbäktäge wazğıyätne häm İzrail armiäseneñ härtörle sśenariylarğa qarşı operativ äzerlegen küzdän kiçerü öçen küreşte.

Söyläşülärdä qatnaşqan ber İzrail räsmi zatı Trampnıñ İran belän qatı söyläşülär alıp barırğa teläwen äytte häm räsmi zat fikerenä kürä bu İrannıñ atom-töş programmasınıñ yuqqa çığarıluına kiteräçäk.

İzrail räsmi zatları AQŞnıñ İranğa höcüm itüe yaqlı buluların belderde.

İzrailneñ finans gazetı “The Calcalist” İran belän ixtimallı suğış üzqıymmäte 10 milliard dollarğa qädär citärgä mömkin dip çamalıy.