İzrail Ğazzäneñ törle töbäklärenä höcümnären däwam itä

10nçı oktyabrdän birle ğamäldä bulğan utnı tuqtatu kileşüenä qaramastan, çärşämbe irtäsendä İzrail armiyäseneñ Ğazzädä berniçä töbäkkä artilleriyadan ut açuı belderelde.

Waqıyğanıñ şahitläre äytüençä, İzrail Xan-Yunısnıñ könyaq-könçığışı häm Räfaxnıñ tönyağındağı Morag koridorı tiräsenä bärde.

Ğazzäneñ üzägendä isä İzrail xärbi maşinaları häm buldozerlar Däyr äl-Bälax şähärenä kerep töbäktä qazınular alıp bardı.

İzrail, monnan tış, Ğazzädä Cäbäliyä möhacir lagerınıñ könçığışına da artilleriya utı açtı.

Älegä ülem-kitem turında mäğlümat yuq.

Ğazzä sälamätlek saqlaw ministrlığı beldergänçä, utnı tuqtatu kileşüe ğamälgä kergännän birle İzrail höcümnärendä, kimendä, 393 keşeneñ ğomere özelde, 1074 keşe isä yaralandı.

İzrail 2023nçe yılnıñ oktyabrennän birle Ğazzädäge genotsid suğışında yaqınça 70 meñ 700 keşene üterde, 171 meñnän artıq keşene yaraladı häm töbäkne xaräbägä äwerelderde.