İranda xärbi boralaq hälakätkä oçrağan

Cirle matbuğat xäbär itüençä, sişämbe könne İran xärbi boralağı İsfaxan provinśiyäseneñ Dorçex rayonı yanında kilep töşä. Qazada 4 keşe hälaq bula.  

Yarım räsmi “Mehr” xäbär agentlığı citkergänçä, boralaq ciläk -cimeş häm yäşelçä bazarı êçenä kilep töşkän.

Agentlıq beldergänçä, qaza waqıtında boralaq künegülär oçışında bula, pilot häm ikençe pilot belän bergä bazarda êşlägän ike keşe dä ğomeren yuğalta.

Qazanın säbäbe älegä räsmi räweştä açıqlanmadı.

Bu — İranda ber atnadan da kim waqıt êçendä terkälgän ikençe hälakät.

Pänceşämbe könne İrannıñ  könbatışındağı Hämädan şähäre yanında F-4 xärbi oçqıçı  hälakätkä oçradı, pilotlardan berseneñ ğomere özelde.

İrannıñ ülemgä kiterä torğan oçqıç hälakätläreneñ ozın tarixı bar.

Könbatış sankśiyäläre arqasında il oçqıç detal’lären täêmin itä almıy; şunıñ näticäsendä däwlät häm kommerśiya aviakompaniyäläre iske boralaqlar häm oçqıçlar parkına bäyle bulıp qala.