Ğazzäneñ Grajdanlılarnı yaqlaw agentlığı töbäktä çıqqan dawıl arqasında yortsız qalğan ğailälär öçen qorılğan meñlägän çatırnıñ zıyan kürüen yäki oçıp kitüen, monıñ bolay da awır bulğan şartlarnı tağın da naçaraytuın häm gumanitar fäläkätne tiränäytäçäge borçuların arttıruın belderde.
Grajdanlılarnı yaqlaw agentlığı süzçese Mäxmüt Basal şimbä könne yasağan belderüendä köçle cillär häm qoyıp yawğan yañğırnıñ yortsız fälästinlelär yäşägän sıyınu urınnarın alıp taşlawın, şulay uq Ğazzäneñ yar buyındağı çatırlarnıñ yırtıluın, cilneñ säğätenä 60 çaqrım tizlek belän isüen äytte.
Basal krizisnı İzrailneñ gumanitar yärdäm häm tözeleş materialların Ğazzägä kertmäwgä bäyläde.
Mäxmüt Basal yasağan belderüendä bolay dide: “Bu barı tik hawa şartlarına ğına bäyle krizis tügel. Gumanitar yärdäm häm tözeleş materialların Ğazzägä kertmäwneñ turıdan-turı näticäse. Keşelär yırtıq çatırlarda häm imin bulmağan, zıyan kürgän öylärdä yäşärgä mäcbür.”
Fälästinle meteorologlar äytüençä soñğı dawıl comğa könne çıqtı.
Töbäkneñ qayber öleşlärendä yañğır häm köçle cil kisätüläre däwam itäçäk.
