Şveśiyaneñ saqlanu ministrı Pol Yunson pänceşämbe könne oyıştırılğan matbuğat oçraşuında bolay dide: “Bu yaña suğış texnologiyalären citeşterü häm êşläp çığaru mäs’äläsendäge urtaq mömkinleklärebezne nığıtaçaq.”

Yunson iniśiativa qısalarında Şveśiyale personalnıñ Ukrainada êşläyäçägen häm ileneñ qorallar ölkäsendäge täcribäseneñ Ukrainanıñ suğış qırındağı täcribäse belän berläşäçägen belderde.

Ukraina premyer-ministrı Denis Şmıgal Yunson belän bergä yasağan belderüendä ike ilneñ bolay da şaqtıy kileşüe häm tögäl niyat xatı yäisä Şveśiya häm Ukrainalı şirkätlär arasında kileşülär buluın äytte läkin iminlek borçuları arqasında alarnıñ isemnären atamasqa buldı.

Şmıgal: “Ruslar bu qorılmalarnı yuqqa çığaraçaq,” – diye, xezmättäşlekne qısqa waqıtta başlatırğa cıyınuların citkerde.

“Gripen” xärbi oçqıçları söyläşüläre tizlänä

Taraflar oktäbr ayında Ukrainanıñ yaqınça 150 “Gripen” oçqıçın aluın küzdä totuçı aviaśiya xezmättäşlege kileşüenä qul quyğan ide. Şveśiya premyer-ministrı Kristersson älege kileşüneñ kiläçäktäge xezmättäşlek mömkinleklären arttıra alaçağın äytkän ide.

Yunson ike yaqnıñ “Gripen” oçqıçların tapşıru turındağı söyläşülärne däwam itterüen häm barışnı üsterü öçen urtaq êş törkeme buldırırğa kileşülären rasladı.

Şmıgal Ukrainalı politlar häm mexaniklarnıñ “Gripen” sistemaların öyränü öçen Şveśiyagä barırğa äzer buluın belderde.

Kiyev citäkçelege kiläçäktä zamança “Gripen E” oçqıçların satıp alırğa ömetlänä.