Ärdoğan Ğazzäne torğızırğa öndäde, Törkiyäneñ daimi tınıçlıq urnaştırudağı yärdämenä basım yasadı
İlbaşı Räcäp Täyyip Ärdoğan Törkiyäneñ “Xamas” - İzrail kileşüen saqlap qalu häm daimi tınıçlıq urnaştıru öçen zur tırışlıq quyuın belderde.
Törkiyä ilbaşı Räcäp Tayyip Ärdoğan Ğazzäneñ aşığıç räweştä torğızıluı kiräklegen belderep, ğamäldäge “Xamas” -İzrail kileşüeneñ daimi tınıçlıqqa öleş kertüe öçen Törkiyäneñ zur tırışlıq quyuın assızıqladı.
Comğa könne İstanbulda ütkän 5 nçe “Törkiyä–Afrika êş häm iq’tisad forumı”nda çığış yasağan Ärdoğan:
“Bez İzrailneñ ütkännärdäge ğamälläre arqasında saq bulırğa tiyeşbez. Ğazzäne tiz arada torğızırğa, yaxşırtırğa kiräk”,- dide.
Ul şulay uq Törkiyäneñ bu kileşüneñ däwam itüe häm daimi tınıçlıqqa yul açuı öçen zur tırışlıq quyuın da östäde.
Sudanda qan qoyılu tuqtasın
Sudanda däwam itüçe krizisqa da tuqtalğan Ärdoğan, andağı bäreleşlärgä bik borçıluın belderep, utnı tuqtatuğa häm daimi tınıçlıqqa ömet belderde.
Ul xalıqara cämäğat’çelekneñ Sudandağı tragediyägä citärlek iğ’tibar birmäwenä basım yasap:
“Qan qoyılunı tuqtatu – härkemneñ burıçı”,- dip äytte.
Ärdoğan bolay dide:
“Qızğanıç, Könbatış dön’yası Afrikadağı watandaşlar suğışların, bäreleşlärne häm kileşmäwçänleklärne qıytğanıñ yazmışı dip kürä”.
BMO häm cirle räsmi zatlar beldergänçä, 2023 nçe yılnıñ aprelennän birle Sudan armiyäse belän Operativ yärdäm köçläre arasında däwam itkän bäreleşlär näticäsendä 20 meñnän artıq keşeneñ ğomere özelgän, yaqınça 15 million keşe yäşägän cirlären taşlap kitärgä mäcbür bulğan, AQŞ universitetlarınıñ tikşerenülärenä kürä, ülüçelär sanı yaqınça 130 meñ dip farazlana.