Tramp ülgän ğaskärilär öçen köçle cawap qaytarırğa süz birde

AQŞ ilbaşı Donald Tramp İranğa qarşı başlağan suğışında öç Amerika ğaskäriyeneñ üleme öçen cawap qaytarırğa süz birde häm tağın da kübräk yuğaltular buluı ixtimalın qabul itte.

Tramp yäkşämbe könne yasağan video yullamasında: "Operaŝiya tämamlanğançı tağın da kübräk yuğaltular bula alır", — dide.

Tramp İranğa qarşı höcümnärdä Amerika ğaskäriläreneñ ülüeneñ bu suğışta kötelgän närsä buluın häm suğışnıñ dönya öçen zur täraqqıyät buluın açıqladı.

AQŞ ilbaşı monnan tış İranlılarnı baş kütärergä çaqırdı: "Bäysezlek teläwçe barlıq İranlı watanpärwärlärgä möräcäğät itäm: bu mizgeldän faydalanığız, qıyu häm batır bulığız, qaharmanlıq kürsätegez häm üz ilegezne qaytarığız. Amerika sezneñ belän."

İran qurqınıçsızlıq köçlären dä birelergä çaqırğan yuğıysä ütereläçäklären äytkän Tramp: "İnqıylap saqçıların, İran armiyäsen häm poliŝiyäsen tağın ber qat qoral taşlarğa häm tulı qağılğısızlık alıp birelergä çaqıram; yuğıysä üläçäksez. Ber dä yaxşı bulmas," — dide.

Könneñ zur öleşen Floridadağı yal itü urınında ütkärgändä İranğa qarşı höcüm belän bäyle ber törkem interv'yular birgän AQŞ başkomandirı xärbi operaŝiyanıñ yaqınça dürt atna däwam itäçägen dä äytte.

"Öç yuğaltuıbız bar, tağın da kübräk yuğaltular kötäbez; läkin axırda monıñ dönya öçen zur täraqqıyät bulaçağın uylıybız", — digän Trump, Pentagonnıñ İranğa qarşı xärbi höcümnär waqıtında şäxes tanıqlığı açıklanmağan AQŞ ğaskäriyeneñ ülüen häm biş keşeneñ dä awır yaralanuın belderde.

Trump, häläq buluçılarnı “Daily Mail”ğa "iskitkeç keşelär" dip taswirladı häm: “Qızganıç, monı kötäbez. Bu daimi bulırğa mömkin, tağın qabatlanırğa mömkin," — dide.