İlbaşı Ärdoğan xristiannarnı Pasxa bäyräme belän qotladı
Ärdoğan Törkiyäneñ borınğı tolerantlıq mädäniyätenä basım yasadı.
Törkiyä ilbaşı Räcäp Täyyip Ärdoğan xristiannarnı Pasxa bäyräme belän qotladı.
Ul dön’yada diskriminaśiya, mädäni rasaçılıq häm tüzemsezlek artuına basıp yasap üz yullamasında tübändägelärne citkerde:
“Diskriminaśiya, mädäni rasaçılıq häm tüzemsızlek könnän - kön arta barğan bu çorda dinnärenä qaramastan barlıq watandaşlarıbız kürsätkän berdämlek, teläktäşlek häm xezmättäşlek böten dön’yağa ürnäk bulıp qala. Bez sośial’ tınıçlığıbıznıñ garantiyäse dip sanağan bu tınıçlıq möxiten, bigräk tä töbägebez kiçergän awır çorda, tağın da nığıtu öçen tırışabız”.
Ärdoğan Törkiyäneñ borınğı tolerantlıq mädäniyätenä häm bergä yäşäw iradäsenä basım yasap süzlären bolay dip tämamladı:
“Min böten xristiannarnı, bigräk tä ğasırlar däwamında bezneñ belän bergä yäşägän xristian watandaşlarıbıznı, Pasxa bäyräme belän qotlıym häm anıñ töbägebezgä, dön’yağa tınıçlıq, totrıqlılıq kiterüen telim”.