Misır cıyılma komandası Afrika Millätlär kubogı çirek finalına kütärelde
Möxämmäd Salah östälgän waqıtnıñ soñğı minutında öçençe häm soñğı golnı kertte
“Liverpul”nıñ Misırlı futbolçısı Möxämmäd Salah Misır komandasınıñ Benin taqımın 3-1 isäbe belän ciñep, Afrika Millätlär kubogınıñ çirek finalğa kütärelüenä yärdäm itte. Läkin soñraq yasağan belderüendä 'Firğawennär' quşamatlı Misır cıyılma komandasınıñ kuboknı yawlar öçen favoritlar arasında bulmawın äytte.
Salah östälgän waqıtnıñ soñğı minutında öçençe häm soñğı golnı kertte.
Matçtan soñ ul komandasınıñ Afrika Millätlär kubogı çempionlığı öçen favoritlar arasında bulmawın läkin Marokkodağı turnirda alğa taba barır öçen qullarınnan kilgänneñ iñ yaxşısın başqaraçaqların belderde.
Xossam Xäsänneñ komandası 2010 yıldan birle berençe tapqır häm barlığı sigezençe tapqır çempion bulırğa teli.
Salah jurnalistlarğa bolay dide: "Çempionlıq öçen favorit buluıbıznı uylamıyım. Yäş uyınçılarıbız bar häm alarnıñ kübese Misır taqımında uynıy. Bez barı tik ilebez öçen uynıybız läkin härkem qulınnan kilgänneñ iñ yaxşısın başqara häm monı bügen dä kürdegez."
33 yäşlek futbolçı Afrika Millätlär kubogında ciñel matçnıñ bulmawın äytte.
Salah Afrika Millätlär kubogında 22 matçta 10 gol kertte.
Misır taqımı şimbä könne çirek final matçında soñğı çempion Kot-d’İvuar yäki Burkina-Faso belän uynayaçaq.
Nigerya çirek finalğa kütärelde
Super börketlär bularaq belenüçe Nigeriya komandası Mozambik taqımın 4-0 isäbe belän ciñep, çirek finalğa çıqtı.