Tramp: “Süriyä mäs’äläsendä İzrail’ belän kiñäşläşmädem”
AQŞ ilbaşı Donal’d Tramp Amerika Quşma Ştatlarınıñ Süriyäneñ uñışqa ireşüen teläwen äytep, yaña Süriyä xökümäten tanır aldınnan İzrail’ belän kiñäşläşmäwne döres adım dip atadı
İlbaşı Donal’d Tramp AQŞnıñ Süriyäneñ yaña xökümäten tanu qararı belän bäyle berlektäşe İzrail’ belän kiñäşläşmäwen belderde.
Bu adım ilbaşı Äxmäd äş-Şara citäkçelegenä qarata İzrailneñ tirän şiklänüläre buluğa qaramastan yasaldı.
Tramp, dürt könlek Yaqın Könçığış säfären tämamlap, Äbu - Dabidan kitkännän soñ “Air Force One”da jurnalistlarğa:
“Bu mäs’älädä alar belän kiñäşläşmädem. Minemçä, bu döres adım ide. Bu qararım öçen küplär mine maqtadı. Bez Süriyäneñ uñışqa ireşüen telibez”,- dip belderde.
Tramp, sişämbe könne yasağan belderüendä, äş-Şara belän oçraşır aldınnan Süriyägä qarata kertelgän sankśiyälärne beterü turında boyırıq biräçägen äytte.
Bu säyäsättä zur üzgäreş bularaq bäyälänä.