Törkiyä NATOnıñ 77 yıllığın bilgeläp ütte
Tışqı êşlär ministrlığı NATO sammitınıñ bıyıl Änkarada uzaçağın açıqladı
Törkiyä, NATO qorıluınıñ 77 yıllığın iskä alıp, ittifaqtağı töp rölenä basım yasadı.
Tışqı êşlär ministrlığı bu mäs'älä belän bäyle “X” platformasında yasağan yullamasında bolay dide: “1952nçe yıldan birle äğzası bulğan NATOnıñ 77 yıllığın bäyräm itäbez. İlebez, Awrupa-Atlantik iminlegeneñ töp platforması bulğan NATOdağı äydäp baruçı rölen berençe könnän birle şul uq täwäkkällek häm 360 graduslı iminlek añlayışı belän däwam itterä.
Köçle armiyäse, üskän xärbi sälätläre häm dinamik saqlanu sänäğäte belän Awrupa-Atlantik iminlegenä tögäl häm kiñ qırlı öleş kertüçe ilebezdä 2026nçı yılnıñ 7-8 iyul könnärendä Änkarada NATO sammitınıñ oyıştırılaçağı ittifaqqa bulğan bäylelegebezneñ östämä ber kürsätkeçe.”
Milli saqlanu ministrlığı da şul uq platformada yasağan belderüendä: “Bez 1952nçe yıldan birle saylanğan äğzası bulğan NATOnıñ 77 yıllığı qotlı bulsın. İlebez ittifaqqa quşılğan 1952nçe yıldan birle üz östenä alğan barlıq wazıyfa häm missiyälärne uñışlı räweştä ütäwne, NATOnıñ aktiv häm konstruktiv äğzası bulunı däwam itterä,” - dide.