Törkiyä bäyrämdä Äl-Äq’sada namaz uquçılarğa höcüm itkän öçen İzrailne ğayepläde

Törkiyä ilbaşı idaräseneñ êlemtä bülege başlığı Burhanettin Duran Uraza bäyrämendä İzrailneñ basıp alınğan Könçığış Qodüstäge Äl-Äq’sa territoriyäsendä namaz uqırğa telägän möselmannarğa qatışuın kisken räweştä ğayepläde.

Duran comğa könne “NSosyal” platformasında yasağan belderüendä bolay dide: “İzrail basıp alu köçläreneñ Äl -Äq’sa mäçetendä bäyräm namazın uqırğa telägän möselmannarğa höcüm itüen kisken räweştä ğayeplim. Uraza bäyräme kebek berdämlek, tınıçlıq häm qardäşlek iñ köçle bulğan könne ğıybadät öçen cıyılğan tınıç xalıqqa qarata bu höcüm ışanu iregenä häm keşe abruyına qarşı kilä”.

“Xoquq, prinśip häm qıymmät tanımağan İzrailneñ bu varvarlığı anıñ oyat säxifälärenä tağın ber bit östäde. Törkiyä, ilbaşıbız Räcäp Tayyip Ärdoğan citäkçelegendä, Äl-Äq’sanıñ statusına häm izgelegenä qarata barlıq xoquq bozularğa qarşı qatğıy poziśiyiäsen däwam itäçäk”,- dide Duran.

İzrail organnarı İranğa qarşı suğış qısalarında kertelgän iminlek çikläwlären säbäp itep kürsätep basıp alınğan Könçığış Qodüstäge Äl-Äq’sada Uraza bäyräme namazın tıydı.

 Fälästinlelär Ramazan ayınıñ tämamlanun simvollaştırğan bäyräm namazın Äl-aq’sa mäçetenä mömkin qadär yaqın urınnarda uqu öçen İske şähär tiräsendä cıyılırğa çaqırdılar.