Törkiyä Ğazzädä utnı tuqtatu kileşüennän qanäğat’ buluın belderde
Törkiyä Cömhüriyäte tışqı êşlär ministrlığı çärşämbe könne yasağan belderüendä ike däwlätle çişeleş aşa tözekländerü häm daimi tınıçlıqnıñ zarurlığın assızıqladı.
Törkiyä tışqı êşlär ministrlığı pänceşämbe könne yasağan belderüendä Ğazzädä utnı tuqtatu täêmin itelüdän qanäğat’ buluın häm bu adımnıñ soñğı ike yıl däwam itkän genośidnı tuqtatuına ömetlänüen citkerde.
Ministrlıq belderüendä kileşüneñ tulısınça ğamälgä aşırıluın kötüläre citerkerelde, “Utnı tuqtatu belän bergä, Ğazzägä gumanitar yärdäm citkerü häm töbäkne yañadan tözekländerü êşlären kiçekmästän başlaw zarur. Törkiyä kiläçäktä Ğazzägä gumanitar yärdäm kürsätüne däwam itäçäk” diyelde.
Belderüdä äytelgänçä, Yaqın Könçığışta daimi tınıçlıq İzrail belän Fälästin arasındağı mäs’äläneñ gadel räweştä çişelüe belän genä mömkin.
“Utnı tuqtatu söyläşülärendä ireşelgän alğarışnıñ kiläse çorda ike däwlätle çişeleşne tormışqa aşıruğa da öleş kertäçägenä ömetlänäbez” diyelä belderüdä.
Belderüdä şulay uq “Qatar, Misır häm AQŞnıñ utnı tuqtatu söyläşülärendäge tırışlıqların yuğarı bäyälibez. Törkiyä kileşüne ğamälgä aşıru êtaplarında aktiv räweştä qatnaşu häm yärdäm kürsätü qatğıylığın tağın ber qat raslıy” diyelde.
Trampnıñ utnı tuqtatu planı
AQŞ ilbaşı Donal’d Tramp İzrail belän “Xamas”nıñ AQŞ täq’dim itkän Ğazzä kileşüeneñ berençe êtabın qabul itülären citkerde.
29 sentyabr’ könne berençe tapqır açıqlanğan 20 maddädän torğan plan Fälästin äsirläre qarşılığında barlıq İzrail totqınnarın irekkä çığarunı, utnı tuqtatunı, “Xamas”nı qoralsızlandırunı häm Ğazzäne yañadan tözekländerüne üz êçenä ala.
2023 yılnıñ oktyabrennän birle İzrail höcümnäre Ğazzädä kübese xatın-qızlar häm balalar bulğan yaqınça 67 meñ 200 fälästinleneñ ülemenä kiterde.
Tuqtawsız bombalaw näticäsendä Ğazzä yäşi almaslıq xälgä kilde, açlıq häm awırular kiñ taraldı.