Şri-lanka, Êndoneziya häm Taylandtağı su basularda 200dän artıq keşe ülde
Qotqaru törkemnäre ut betü, su astında qalğan öylär häm êvakuaśiya êşçänlekläre arqasında qıyınlıq çigä
Şri-Lankada 10 kön däwam itkän zur su basular häm cir şuılularda kim digändä 56 keşeneñ ğomere özelde, 21 keşe haman da tabılmadı.
Cirle gazet “Daily Mirror” comğa könne beldergänçä 17 noyabrdän birle köçle yawım-töşem, su basular häm cir şuışuları utrawğa zıyan kiterde, zarar kürgän urınnarda qotqaru operaśiyaläre däwam itä.
Afät belän idarä itü üzägenä kürä 14 keşe yaralandı, 17 rayonda 43 meñ 991dän artıq keşe zararda.
Êndoneziya
Kürşe il Êndoneziyadäge Sumatra utrawında barlıqqa kilgän köçle su basu häm cir şuışularda kimendä 62 keşe ülde, meñnärçä keşe yortsız qaldı.
İñ küp zıyan Tönyaq Sumatrağa salındı. Biredä 37 ülem terkälde. Könbatış Sumatrada 12 keşeneñ ğomere özelgän. Açehtä isä 13 keşe ülgän. Çärşämbe könne 12 keşe yuğaldı.
Tayland
Tayland ta ülemgä kiterüçe su basular belän köräşä. Xökümät comğa könne yasağan belderügä kürä ilneñ könyaq vilayätlärendä 87 keşe ülde.
Afätlärne buldırmaw häm kimetü departamentı ğomum mödire äytüençä köçle su basularda 2 million 900 meñnän artıq keşe zıyan kürgän. Êvakuaśiya êşlärenä bulışu häm töp materiallarnı taratu öçen ğadättän tış xäl törkemnärenä wazıyfa birelgän.