İzrail köçläre Süriyäneñ Kuneytra awıl cirlegenä basqınnar oyıştırğan

Cirle media xäbär itkänçä, sişämbe könne İzrail köçläre tağın ber tapqır Süriyäneñ suverenlığın bozıp ilneñ kön’yağındağı Kuneytranıñ awır cirlegenä 3 basqın oyıştırğan.

Süriyä Ğaräp xäbär agentlığı “SANA” öç maşinadan torğan patrul’neñ Bir Acam qasabasına kerep Kuneytranıñ Bariqa häm  Kudna awıllarına taba xäräkät itüen beldergän.

Agentlıq beldergänçä, tağın 12 xärbi maşinadan torğan İzrail köçläre Tal Äbu Gaytar aşa ütep Saida al-Hanout awılına, annarı Ruzaniya awılına häm annan Sayda äl-Golanğa kergän.

“SANA” agentlığı  İzrail xärbiläreneñ Sayda- äl -Golannıñ könbatış çatında yul barrikasadı qoruın belderä.

Tağın ber köç qısqa waqıtqa awılğa kerep ber yortnı tikşerä häm kire çigenä.

İzrail armiyäse häm Süriyä wäqalätleläre yaña basqınnar turında belderü yasamağannar.

İzrail köçläre kön sayın diyärlek Süriyä cirlärenä, bigräk tä Kuneytranıñ awıl cirlegenä basqınnar oyıştırıp tınıç xalıqnı qulğa ala, kontrol’ punktları urnaştıra, ütep baruçılardan soraw ala, häm awıl xucalığı cirlärenä zıyan kiterä.