Tramp Garvard universitetınnan 1 milliard dollar kompensatsiya sorıy
AQŞ xökümäte Kolumbiya häm Pensilvaniya universitetları belän tözelgän kileşülärdän soñ xäzer Garvardnı nişanğa ala.
AQŞ ilbaşı Donald Tramp düşämbe könne Garvard universitetınnan 1 milliard dollar kompensatsiya taläp itäçäklären citkerde. Bu belderü “New York Times” basmasınıñ universitetnıñ xökümät belän däwam itüçe kileşü söyläşülärendä qayber taşlamalarğa ireşüen xäbär itüennän soñ yasaldı.
Tramp “Truth Social” platformasında: 'Xäzer 1 milliard dollar kompensatsiya taläp itäbez häm kiläçäktä Garvard universiteti belän berqayçan da bäyläneş qorırğa telämibez,' — dip belderde.
Tramp xökümäte räsmiläre Garvardnı häm başqa universitetlarnı 'woke' ideologiyäsen yaqlawda häm Fälästin yaqlı protestlar waqıtında yähüd studentlarnı citärlek däräcädä saqlıy almawda gäyepläde. Bu qısada xoquqıy däğwalarda belän çığıp, zur külämdä kompensatsiya taläp ittelär.
Belgeçlär, AQŞ citäkçelegeneñ liberal’ universitetlarğa basım yasarğa omtıluın belderä.
“Ivy League” äğzası bulğan Kolumbiya universiteti ütkän cäydä Tramp xökümätenä 200 million dollar tülärgä kileşkän ide. Şulay uq, studentlar qabul itüdä häm êşkä aluda rasa kriteriylären tıyuçı qanunlarğa buysınırğa wäğdä birde.
“New York Times” düşämbe könne irtänge säğatlärdä, ozaq däwam itkän söyläşülärdän soñ, Tramp citäkçelegeneñ Garvardtan 200 million dollarlıq kileşü taläbennän baş tartuın xäbär itte.
Tramp, ütkän sentyabr ayında jurnalistlarğa birgän interv’yusında, Garvard belän söyläşülärneñ 500 million dollarlıq kileşü belän tögällänü aldında buluın häm kileşüneñ ber öleşe hönäri mäktäplär açunı üz êçenä aluın äytkän ide.
Tramp düşämbe kiçendä yasağan belderüendä: 'Alar qatlawlı hönäri belem birü kontseptsiyäsen tormışqa aşırırğa teläde, ämma bu tulayım alğanda citärlek bulmawı öçen kire qağıldı häm, bezneñçä, uñışlı bula almas ide,' — dide.
Tramp süzlären: 'Bu — Garvardnıñ 500 millionnan artıq aqça kileşüennän qaçıp qotılu yulı ide. Alar tarafınnan qılınğan citdi häm dähşätle qanunsız ğamällär öçen bu miqdar tağın da yuğarıraq bulırğa tiyeş ide,' — dip däwam itte, ämma Garvardnıñ nindi qanunnarnı bozuın açıqlamadı.