İzrail Ğazzädä tağın utnı tuqtatu kileşüen bozğan

Sälamätlek saqlaw xezmätkärläre beldergänçä, Ğazzädä utnı tuqtatu kileşüen bozunıñ soñğı oçrağında 4 fälästinle İzrail armiyäseneñ ut açuı näticäsendä hälaq bulğan, yaralanuçılar da bar.

Ğazzäneñ kön’yağındağı Nasser xastaxanäse xäbär itkänçä, düşämbe könne Xan Yunusnıñ könçığışında urnaşqan Bäni Suhäylä bistäsendä İzrail pilotsız hawa apparatı höcüme arqasında ülgän 2 keşeneñ mäyetläre xastaxanägä kiterelgän.

Sälamätlek saqlaw çığanaqları Ğazzäneñ könçığışındağı Äl-Tuffax mäxälläsendä İzrail snayperlarınıñ tağın 2 keşene atıp üterüen citkerde.

Şul uq çığanaqlar citkergänçä, Äl-Tuffaxnıñ Äl-Şaaf töbägendäge güyä “sarı liniya” dip atalğan urın yanında 1 fälästinle artilleriya utı arqasında yaralanğan.

Waqıyğa şahitları İzrail oçqıçlarınıñ Räfaxnıñ tön’yaq-könçığışında tank häm boralaq utı belän bergä hawa höcümnäre oyıştıruın citkerde.

İzrail köçläre Xan Yunusnıñ könçığış öleşendä dä hawa höcümnäre oyıştırğan.

Bu yaña höcümnär Ğazzädä 10 oktyabr’dä ğamälgä kergän utnı tuqtatu kileşüeneñ bozıluı digän süz.

Cirle räsmi zatlar äytüençä, utnı tuqtatu täêmin itelgännän birle kim digändä 342 fälästinle İzrail armiyäseneñ höcümnärendä ğomeren yuğaltqan.

2023 yılnıñ oktyabrennän birle İzrail höcümnärendä Ğazzädä kübese xatın-qızlar häm balalar bulğan yaqınça 70 meñ keşe hälaq bulğan, 170 meñ 900dän artıq keşe yaralanğan.