Cirle wäqalätlelär xäbär itüençä, çärşämbe könne Tailandta tiz yöreşle poyezd liniyäsendäge kran yulçı poyezdına töşkän, poyezd rel’slrdan çıqqan häm kim digändä 22 keşe hälaq bulğan.
Nakxon Ratçasima provinśiyäseneñ poliśiya şefı Tatçapon Çinnavong qazada 22 keşeneñ ğomeren yuğaltuın, 30dan artıq keşeneñ yaralanuın beldergän.
Waqıyğa cirle waqıt belän 09:00 tiräsendä başqala Bangkoknıñ tön’yaq-könçığışında urnaşqan Nakxon Ratçasima provinśiyäsendä bulğan.
Tiz yöreşle poyezd yulı çeltären tözü öçen qullanılğan kran yulçı poyezdına töşkän.
Nakxon Ratçasima provinśiyäseneñ cämäğat’çelek belän êlemtä ofisı üz belderüendä “Kran poyezdğa töşte, poyezd rel’slardan çıqtı häm yanğın çıqtı” dip citkergän.
Poyezd Bangkoktan Ubon Ratçatxani provinśiyäsenä bara torğan bulğan.
Transport ministrı Pifat Ratçakitprakarn poyezdda 195 keşe buluın häm alarnıñ kemlegen açıqlaw êşçänlekläreneñ däwam itüen beldergän.
Hälakätkä kitergän kran Pekin yaqlawı belän tormışqa aşırıla torğan häm Tailandta tiz yöreşle poyezd timer yul çeltäre tözüne maqsat itkän 5,4 milliard dollarlıq proyektta qullanılğan.
Älege proyekt Qıtaynıñ kiñ külämле “Poyas häm yul” infrastruktura iniśiativası qısalarında 2028 yılğa qadär Laos aşa Bangkoknı Qıtaynıñ Kun’min şähärenä totaştırunı küzdä tota.
