Törkiyä êksportçılar assambleyası kürsätkeçlärenä nigezlänep äzerlängän mäğlümatlärgä kürä, Törkiyäneñ êksportı bıyılnıñ ğinwar-avgust aylarında uzğan yılnıñ şul uq çorı belän çağıştırğanda 4%qa artıp, 177 milliard 900 million dollardan 185 milliard dollarğa qädär artqan.

Telgä alınğan şuşı çorda Awrupa Berlege illärenä экспорт 3,6%qa artıp, 69 milliard 320 million 800 meñ dollardan 71 milliard 788 million yarım dollarğa kübäygän. Şulay itep, bu çorda Törkiyäneñ Awrupa Berlege illärenä êksportı yaqınça 2 milliard 468 million dollarğa artqan.

Ğinwar-avgust çorında Awrupa Berlege illäre arasında iñ zur êksport Germaniyägä 13 milliard 576 million 381 meñ dollar bulğan. Germaniyägä êksport uzğan yılnıñ şul çorı belän çağıştırğanda 3,8%qa artqan.

İkençe urında - İtaliyä, 8 milliard 561 million 640 meñ dollar, İspaniyä - 7 milliard 238 million 906 meñ dollar, Franśiyä - 6 milliard 925 million 832 meñ dollar häm Rumıniyä - 4 milliard 891 million 962 meñ dollar.

Êksportnıñ proporśional bularaq iñ küp artqan il Malta buldı

Şuşı çorda İtaliyägä êksport 4,3%, İspaniyägä 7,4%, Franśiyägä 5,2%qa artqan, ä Rumıniyägä êksport 5,5%qa kimegän.

Awrupa Berlege illäre arasında Maltağa êksportnıñ iñ yuğarı prośent üseşe küzätelgän. Bu ilgä êksport uzğan yılnıñ şul uq çorı belän çağıştırğanda 107%qa kübäyep, 324 million 491 meñ dollardan 671 million 566 meñ dollarğa qädär artqan.

Maltadan soñ Slovakiyä 32,8%, Finlyandiyä 25,3%, Bolgariyä 17% häm Awstriyä 14,4%qa artış kürsätkän.

Ğinwardan avgustqa qädär Slovakiyägä êksport 1 milliard 458 million dollarğa, Finlyandiyägä 408 million 700 meñ dollarğa, Bolgariyägä 3 milliard 439 million dollarğa häm Awstriyägä 1 milliard 414 million dollarğa citkän.