Tramp Ğazzä Tınıçlıq şurası tözelüen iğ’lan itte

AQŞ ilbaşı Donal’d Tramp qamaw astındağı Fälästin cirlärendä İzrailneñ genośidın tuqtatu öçen AQŞ citäkçelegendä äzerlängän plan­nıñ ikençe basqıçı­nıñ möhim öleşe bulğan Ğazzä Tınıçlıq şurasınıñ tözelüen iğ’lan itte.

Tramp “Truth Social” platformasındağı yazmasında: “TINIÇLIQ ŞURASI tözelüen iğ’lan itü belän ğorurlanam” dide häm şura äğ’zaları yaqında açıqlanaçaq dip belderde.

Tramp: “Min şunı äytä alam - bu iñ zur häm iñ abruylı şura”, — dide.

Şuranıñ tözelüe, genośidtan soñ Ğazzäne idärä itäçäk 15 äğ’zalı Fälästin texnokrat komitetı iğ’lan itelgännän soñ küp tä ütmi tormışqa aştı.  

Komitet räislegen Tramp üze başqarır dip kötelgän Tınıçlıq şurası küzätüe astında êşläyäçäk.

Plan şulay uq Ğazzädä iminlekne täêmin itü häm ışanıçlı Fälästin poliśiya büleklären äzerläw -öyrätügä yärdäm itü öçen töbäktä Xalıqara totrıqlılıq köçlären urnaştıru­nı da küzdä tota.

“Xamas”nıñ yuğarı däräcäle citäkçelärennän Bassem Naim pänceşämbe könne yasağan belderüendä: “Xäzer tup  aradaşçılar­, garant bularaq AQŞ­nıñ häm xalıqara cämäğatçelekneñ mäydanında; komitetnı nığıtu — alarnıñ qulında”, — dide.

İzrail köçläre 2023 yılnıñ oktyabrennän birle kübese xatın-qızlar häm balalar bulğan 71 meñ 400-dän artıq fälästinlene üterde, 171 meñ 300dän artıq keşene yaraladı.

 Tikşerenülär häm analitiklar öleşçä İzrail tarafınnan basıp alınğan töbäktäge çın ülem sanı 200 meñ tiräse bulırğa mömkin dip farazlıy.

İzrail 10 oktyabr’dä başlanğan utnı tuqtatu kileşüen bozunı däwam itep, tağın 451 fälästinlene üterde häm 1200-dän artıq keşene yaraladı.