İrannan Törkiyä hawa kiñlegenä atılğan ballistik raketa NATO tarafınnan täêsirsez xälgä kiterelde
Törkiyä Cömhüriyäte saqlanu ministrlığı töbäktäge kiyerenkelek köçäygändä üz cirlärenä yünälgän teläsä nindi qurqınıçqa qatğıy cawap biräçägen belderde.
Törkiyä comğa könne yasağan belderüendä İrannan atılğan häm Törkiyä hawa kiñlegenä kergän ballistik raketanıñ Könçığış Urta diñgezdä urnaştırılğan NATO hawa häm raketa saqlanu sistemaları tarafınnan täêsirsez xälgä kiterelüen äytte. Bu ber atnadan artıq waqıt êçendä öçençe şundıy waqıyğa buldı.
Ministrlıqnıñ räsmi belderüendä bolay diyelä:
“İlebez territoriyäsenä häm hawa kiñlegenä yünältelgän teläsä nindi qurqınıçqa qarşı barlıq kiräkle çaralar qatğıy häm ikeçelänmiçä kürelä, waqıyğanıñ barlıq yaqları belän açıqlanuı öçen il belän söyläşülär alıp barılıla”.
Belderüdä şulay uq:
“Milli iminlegebezgä östenlek birep, töbäktäge barlıq waqıyğalar da iğ’tibar belän küzätelä häm bäyälänä”,- diyelä.