AQŞ küzläw xezmätläre İzrail advokatlarınıñ Ğazzädäge suğış cinayät’läre turında kisätüen kürsätte
AQŞnıñ 5 êlekke räsmi zatı İzrail xärbi advokatlarınıñ Ğazzädäge genośid xarakterındağı suğışta cinayät’ êşlänüenä qağılışlı dälillär tabıluı turında kisätüen belderde.
Amerika Quşma Ştatları İzrail xärbi advokatları Ğazzädäge genośid säbäple İzrailgä qarata suğış cinayät’läre ğäyepläwlären nığıta alaçaq dälillär tabıluı turında kisätkän mäğ’lümat cıydı.
Älege mäğ’lümatlarğa qarağanda, İzrailneñ höcümnäre AQŞta êşlängän qorallar belän başqarıldı.
Uzğan yıl açıqlanğan häm moñarçı xäbär itelmägän bu küzläw mäğ’lümatı yuğarı däräcädäge säyäsätçelär belän urtaqlaşılğan iñ borçuğa saluçı mäğ’lümatlar arasında tora.
Räsmi zatlar bu xälneñ İzrail qullanğan taktikalarnıñ qanuni buluına qağılışlı şiklärne açıp saluın belderde.
İke räsmi zat äytüençä, bu mäğ’lümat AQŞ xökümäte êçendä urtaqlaşılğan häm Bayden citäkçelegeneñ soñğı atnalarında, 2024 yılnıñ dekabr’ ayında Kongressta ütkärelgän brifing aldınnan citkerelgän.
Bu belderülär Ğazzädäge tınıç xalıq ülemnäreneñ artuı belän bergä Vaşingtonda borçılularnı köçäytte. Qayber räsmi zatlar, ägär dä suğış cinayät’läre isbatlansa, AQŞnıñ İzrailgä birgän yärdäme Vaşingtonnı cinayät’ urtağı itä ala dip qurqa.
Bu mäğ’lümat näticäsendä Milli iminlek şurasında cıyılış ütkärelde. Räsmi zatlar anda AQŞnıñ bu xälgä niçek cawap birergä tiyeşlege turında söyläşte.
İzrailneñ suğış cinayä’tläre êşläwe turında berär dälil bulsa, AQŞ qanunnarına kürä Vaşingtonnıñ qoral cibärüne häm küzläw mäğ’lümatı urtaqlaşunı tuqtatuı kiräk.
AQŞ räsmi zatları xoquqıy borçılular buluğa qaramastan, İzrailneñ maxsus räweştä tınıç xalıqnı nişan itep aluına qağılışlı turıdan-turı däliällär bulmawın belderep yärdämne däwam itärgä qarar qıldılar.
Qayber yuğarı däräcäle räsmi zatlar, yärdämne tuqtatu “Xamas”nı qıyulandırır häm utnı tuqtatu söyläşülären bozar dip qurqalar.
Däwlär departamentındağı advokatlar aylar êlek däwlät särqatibe Êntoni Blinkennı kisätep, İzrail höcümnäreneñ xalıqara gumanitar xoquqnı bozuın beldergän ide.
2024 yılnıñ may ayında Vaşingtonnan kilgän xisap İzrailneñ AQŞ ta êşlängän qorallarnı qullanıp xalıqara xoquqnı bozğan bula aluın belderde läkin räsmi fakt kiterelmäde.
İzrail Ğazzädä suğış cinayät’läre êşläwe turındağı ğäyepläwlärne häm Xalıqara Cinayät’ mäxkämäse wäqaläten kire qaqtı.
Mäxkämä Netan’yaxu häm başqa citäkçelär turında saq astına alu qararı çığardı.