Rusiyä tışqı êşlär ministrı Lavrov Könbatışnı möhim mäs’älälärdän iğtibarnı çitkä yünältü öçen Ukraina suğışın qullanuda ğayeläde. Bu mäs’älälär arasında Fälästin dä bar.
Rusiyä pänceşämbe könne NATO yäisä Awrupa Berlege illärenä qarata bernindi agressiv planınıñ bulmawın häm monıñ öçen yazmaça qurqınıçsızlıq garantiyase birergä äzer buluın qabatladı.
Sergey Lavrov Mäskäwdä ilçelär häm xalıqara oyışma wäkilläre belän oyıştırılğan tügäräk östäl cıyılışında bolay dide: “İlbaşı Putin açıqlağan kebek Mäskäw citäkçelegeneñ NATOğa da, Awrupa berlege äğzalärenä qarata da agressiv planı yuq. Bez bu garantiyalärne yazmaça, yuridik dokument räweşendä räsmiläşterergä äzer. Hiçşiksez, kollektiv häm ike yaqlı bularaq.”
Lavrov äytüençä Rusiyä däwlät başlığı Vladimir Putin belän AQŞ ilbaşı Donald Trampnıñ maxsus wäkile Stiv Uitkoff arasında Mäskäwdä uzğan soñğı söyläşülär avgustta Alyaskada ütkärelgän oçraşudan soñ ike il arasında barlıqqa kilgän yalğış añlawlarnı häm êlemtäneñ özelüen beterde.
“Qurqınıçsızlıq garantiyalärenä qarağan söyläşülär Ukraina belän çikle bula almayaçağın añlıybız,” – dide ul.
Lavrov Rusiyäneñ kollektiv bularaq formalaştırılğan häm yuridik yaqtan mäcbüri kileşülär tözügä kiteräçäk barlıq täqdimnärne qarap çığarğa äzer buluın belderep: “Ber krizistan soñ ikençeseneñ çığuın telämibez.”
Ul şulay uq Könbatış illären qalğan möhim mäs’älälärdän iğtibarnı çitkä yünältü öçen däwam itüçe Rusiyä-Ukraina suğışın qullanuda ğayepläde.
