İran diplomatı Kämal Xarazi AQŞ-İzrail terror höcümennän soñ wafat buldı

İran mediası xäbär itüençä, İrannıñ êlekkege tışqı êşlär ministrı Kämal Xarazi 1 aprel’dä AQŞ-İzrail höcümnärendä alğan cäräxätlärdän wafat buldı.

81 yäş’lek Xarazi tışqı êşlär ministrlığına bäyle Strategik tışqı mönäsäbätlär şurasın citäkli ide.

“Mehr” häm “Isna” agentlıqları Telegramda bolay dip citkerde: “Berniçä kön êlek Amerika-sionist doşman tarafınnan başqarılğan terror höcümendä yaralanğan täcribäle diplomat bügen tönlä şähit buldı”.

Xarazineñ Tährandağı öyenä oyıştırılğan höcüm waqıtında anıñ xatınınıñ da üterelüe belderelde.

İrannıñ N’yu-Yorktağı BMO wäkile bulğan Xarazi, soñraq 1997 yıldan 2005 yılğa qadär ul waqıttağı İran däwlät başlığı Möxämmäd Xatämi citäkçelegendä tışqı êşlär ministrı bulıp êşläde.

28 fevral’dän birle AQŞ-İzrail höcümnäre näticäsendä dini lider Ali Xämänäi häm berniçä yuğarı däräcäle xärbi häm säyäsi êşlekle üterelde.