AQŞta "Meta" 375 million dollarlık cäzağa tartıldı
Jyuri sośial’ media gigantınıñ platformalar iminlege mäs’äläsendä qullanuçılarnı aldawına qarar birde
Amerika Quşma Ştatlarında ber jyuri “Facebook”nıñ töp şirkäte bulğan “Meta”nıñ platformalar iminlege mäs’äläsendä qullanuçılarnı aldawına häm balalarnıñ censi yaqtan tınıçsız itelüen da kertep, törle zararlarğa yul açuına xökem çığarıp, şirkätne 375 million dollar aqçalata cäzağa tarttı.
“The Guardian”nıñ çärşämbe könge xäbärenä kürä AQŞnıñ Nyu-Meksiko ştatında qaralğan bu mäxkämä êşe AQŞta nigezlängän sośial’ media gigantınıñ platforma êçtälegeneñ tä’sirläre öçen berençe märtäbä xoquqıy cawaplılıq belän oçraşqan mäxkämä barışı buldı.
Balalarnıñ iminlege öçen tarixi ciñü
Nyu-Meksiko başprokurorı Raul Torrez: “Jyuri qararı - “Meta”nıñ balalar iminlege urınına tabışnı saylawınıñ bäyäsen tülägän här bala häm ğailä öçen tarixi ciñü”, — dide.
Torrez: “Meta” citäkçeläre produktlarınıñ balalarğa zarar kiterüen belä ide, üz xezmätkärläreneñ kisätülären iğtibarsız qaldırdı häm belgännären cämäğätçelekkä yalğanladı. Bügen jyuri, ğailälär, uqıtuçılar häm bala iminlege êkspertları belän bergä “citär” dide”, — dip belderde.
“Facebook”, “Instagram” häm “WhatsApp”nıñ xucası bulğan “Meta” isä apellyaśiyağa biräçägen äytep: “Üzebezne köçle räweştä yaqlawnı däwam itäçäkbez häm yäşlärne onlayn moxittä saqlaw mäs’äläsendäge täcribäbezgä ışanabız”, — dide.
Torrez 4 mayda başlanaçaq kiläse êtapta östämä aqçalata cäzalar häm “Meta” platformalarında balalarğa qarata saqlawnı arttıraçaq mäxkämä qararlarınıñ taläp iteläçägen söyläde.
Belgeçlär bu mäxkämä êşeneñ balalarnı sośial’ medianıñ zararlarınnan — bäylelek, iğtibar waqıtınıñ qısqaruı häm üz-üzeñä ışanıçnı yuğaltu kebek tä’sirlärdän — saqlawğa qarata dönyaküläm basım artqan çorda buluın belderä.