İndoneziyädä şir şuışu fäläkätendä ülüçelär sanı arta
Alarnıñ sanı 70 kä citkän.
İndoneziyädä 24 nçe ğıynwarda bulğan cir şuışı fäläkätendä hälaq buluçılar sanı 70-kä citkän, Könbatış Yavaда yuğalğan 10 keşene êzläw-qotqaru êşläre tuğızınçı könendä däwam itä.
Bu xaqta däwlät agentlığı “Antara News” citkerde.
Räsmi zatlar şimbä könne waqıyğa urınınnan tağın 10 keşeneñ mäyete tabıluın, şulay itep raslanğan ülüçelär sanınıñ 70kä citüen xäbär itte.
Bandung êzläw häm qotqaru agentlığı başlığı Ade Dian Permana yaqınça 10 keşeneñ haman da yuğalğan bulıp sanaluın äytte.
Permana yäkşämbe könne dä êzläw êşläreneñ êzläw êtläre häm awır texnika qullanıp däwam itüen, barlığı 3 713 xezmätkärneñ êşläwen belderde.
Xäzergä qädär 49 mäyet açıqlanğan häm ğailälärenä tapşırılğan, 78 keşe imin räweştä qotqarılğan.
Cir şuışı 24 nçe ğıynwarda Könbatış Bandung töbägendäge ber awılda buldı, küp sanda öy balçıq häm cimereklär astında qaldı.
Töbäktä êzläw häm qotqaru êşläre däwam itä.