İran ilbaşı kürşe däwlätlärdän ğafu ütende
Waqıtlıça citäkçelek şurası kürşe däwlätlärgä yasalğan höcümnärne tuqtatu häm, bu illärdän höcüm bulmağan oçraqta, raketa oçırmaw mäs'äläsendä kileşte.
İran ilbaşı Mäsud Päzäşkiyan, suğışnıñ ikençe atnasına kergän çorda, ileneñ İzrail häm AQŞqa berqayçan da birelmäyäçägen äytte.
Päzäşkiyan, däwlät televideniyesendä yasağan çığışında, doşmannarnıñ İran xalqınıñ şartsız bireläçäge turındağı ömetlären "qabergä alıp kitärgä mäcbür bulaçaqların" belderde.
İzrail häm AQŞ, 28 fevral'dä İranğa höcümnär başladı, näticädä, dini citäkçe Ali Xamäneynı üterep, regional' bäreleş kiterep çığardı. İran isä şul könnän birle İzrailgä häm töbäktäge AQŞ obyektlarına, ayıruça, Farsı qultığı illärendäge maqsatlarğa raketa häm dron höcümnäre belän cawap birde.
Päzäşkiyan - Xamaney üterelgännän birle İrannı idarä itüçe öç äğzalı waqıtlı citäkçelek şurasınıñ äğzalarınıñ berse bulıp tora.
Päzäşkiyan çığışı waqıtında İrannıñ töbäktäge höcümnäre arqasında kürşe däwlätlärdän ğafu ütende häm monnan soñ, bu illärdän höcüm kilmägän oçraqta, alarnıñ maqsat itep alınmayaçağın äytte. Päzäşkiyan İran häm üz isemennän höcüm itelgän kürşe däwlätlärdän ğafu sorawın belderde.
Waqıtlı citäkçelek şurasınıñ kiçä kürşe däwlätlärdäge obyektlarğa yaña höcümnär yasamaw häm bu illärdän İranğa qarata höcüm kilmägän oçraqta raketa oçırmaw mäs'äläsendä kileşüen citkerde.