Yaponiyädä 6,7 ball zurlığında cir teträw buldı, tsunami kisätüe yasaldı
Bu zilzilä Yaponiyäneñ şul uq töbägendä axırğı berniçä köndä bulğan cir teträwlärneñ soñğısı bularaq terkälde.
Yaponiyädä 6,7 ball zurlığında cir teträw buldı, tsunami kisätüe yasaldı / AA
Yaponiyanıñ tönyaq-könçığış töbägendä, berençel mäğlümatlarğa qarağanda, 6,7 ball zurlığında cir teträw buldı. Yaponiya Meteorologiya Agentlığı tarafınnan tsunami turında kisätü yasaldı.
Oyışma başta zilziläneñ zurlığın 6,5 ball dip bäyäläde, annarı 6,7gä tözätte. Agentlıq comğa könne ber metrğa qadär bulğan tsunami dulqınnarınıñ tönyaq Tın okean buyına kilep citä aluı turında kisätte.
Zilzilä säğat 11:44tä terkälä. Ul şul uq töbäktä berniçä kön êlek barlıqqa kilgän 7,5 ball zurlığındağı cir teträwdän soñ buldı. Wäqalätlelär töbäktä kiläse könnärdä oxşaş yäki tağın da köçleräk zilzilä bula aluı turında kisätkän ide.