Yordannıñ basıp alınğan Könbatış üzänlegendä İzrail kilep urnaşuçıları 3 fälästinlene yaraladı
Cirle fälästinle wäqalätle İzrail köçläreneñ höcüm waqıtında tıqşınırğa äzer toruın häm qanunsız kilep urnaşuçılarnı saqlawın citkerde.
Izrail köçläreneñ yaqlawı astındağı qanunsız qorallı kilep urnaşuçılar törkeme Bäytullaxim şähäreneñ könyağındağı Al-Minya awılı yanında yäşäwçelärgä höcüm itte häm alarğa utlı qorallar belän atıp, öç keşene yaraladı, dip xäbär itte awıl şurası räise Zayed Kawazbeh räsmi xäbär agentlığı “Wafa”ğa.
Yaralangan keşelär xastaxanägä salınıp, meditsina yärdäme kürsätelgän.
Kawazbeh qanunsız kilep urnaşuçılarnıñ üzläreneñ mal-tuarların fälästinlelärneñ zäytün ağaçları arasında utlatırğa alıp kilülären, monıñ maxsus provokatsiya buluın citkerde. Maqsat cirle xalıq fälästinlelärne monnan küçerü häm alarnıñ territoriyäsen basıp alu.
Ul, şulay uq, Izrail köçläreneñ waqıyğa urınında buluların häm qanunsız kilep urnaşuçılarnı yaqlawların, bu isä awıl xalqı arasında qurqu häm tınıçsızlıq tudıruın da äytte.
Bu höcüm, Nablusnıñ könyağında urnaşqan Burin awılında zäytün cıyuçı fälästinlelärgä kilep urnaşuçılarnıñ taşlanuınnan soñ buldı, ul waqıtta berniçä keşene qıynadılar.
2020nçe yıldan birle yähüd kilep urnaşuçılarınıñ cirle xalıqqa höcümnäre iñ yuğarı däräcäsenä citte.
BMOnıñ gumanitar êşlär koordinatsiyä bürosı (OCHA) mäğlümatlarına qarağanda, Yordannıñ basıp alınğan Könbatış üzänlegendä bıyıl zäytün uñışın cıyu waqıtında qanunsız yähüd kilep urnaşuçılarnıñ fälästinlelärgä höcümnäre 2020nçe yıldan birle iñ yuğarı däräcägä citkän.
Agentlıq 70 Fälästin awılında 126 höcüm terkägän, 4000nän artıq zäytün ağaçı häm üsemleklär ziyan kürgän dip belderde.
Bu höcümnär, ğädättä, oktyaber urtalarında başlanuçı yıllıq zäytün uñışı cıyu waqıtında buldı häm qanunsız kilep urnaşuçılarnıñ Fälästin fermerlarına qarata köç qullanuınıñ kisken artuın kürsätte.
Räsmi kolonizatsiyä häm divarğa qarşı toru komissiyäse mäğlümatlarına qarağanda, zäytün uñışı waqıtında Izrail armiyäse häm qanunsız urnaşuçılar tarafınnan fälästinlelärgä qarata 259 höcüm başqarılğan.
Fälästin mäğlümat çaraları xäbär itkänçä, 2023 yılnıñ oktyabrennän birle basıp Yordannıñ basıp alınğan Könbatış üzänlegendä Izrail höcümnäre kisken arttı, 1062 fälästinle üterelde häm 10 meñ 300 keşe yaralandı.
Uzğan iyül ayında Xalıqara Mäxkämä Izrailneñ Fälästin cirlären basıp aluın qanunsız dip iğlan itte häm Yordannıñ basıp alınğan Könbatış üzänlegendä häm Könçığış Qodüstäge barlıq yaña toraq punktlar êvakuatsiyälänergä tiyeş dip belderde.