Livan "Xizbullax"nı qoralsızlandırunıñ yaña êtabı dürt ay däwam itäçägen belderä.
Livan mäğlümat ministrı süzlärençä, plannıñ ikençe etabınıñ yazmışı xäzerge mömkinleklärgä, İzrail höcümnärenä häm cirle qıyınlıqlarğa bäyle.
Livan xökümäte armiyäneñ ilneñ könyağında “Xizbullax”nı qoralsızlandıru plannınıñ ikençe êtabın tormışqa aşıru öçen, kim digändä, dürt ay kiräk bulaçağın belderde.
Livan xökümäte ütkän yıl da “Xizbullax”nı qoralsızlandıru turında wäğdä birgän ide häm armiyädän monıñ öçen plan äzerläwen soradı.
Armiyä ütkän ayda plannıñ berençe êtabın tämamlawın açıqladı. Bu Litani yılğası belän İzrail çige arasındağı, Bäyruttan yaqınça 30 kilometr könyaqtağı töbäkne üz êçenä ala.
İkençe êtap isä Litani häm Avali yılgaları arasındağı töbäkne, Bäyrutnıñ yaqınça 40 kilometr könyağın üz êçenä ala.
Mäğlümat ministrı Pol Morkos kabinet utırışınnan soñ ütkärelgän matbuğat konferentsiyäsendä xökümätneñ armiyä citäkçelegeneñ plannıñ ikençe êtabına bäyle täqdimen isäpkä aluın äytte.
Morkos: "Xäzerge mömkinleklärgä, İzrail höcümnärenä häm mäydandağı kirtälärneñ barlığına bäyle räweştä ozaytıla alırlıq dürt aylıq waqıt bar," — dide.
İzrail, 2024 yılnıñ noyabrendä Livandağı suğışnı tuqtatuğa yünältelgän utnı tuqtatu kileşüenä qaramastan, bu ilgä qarşı daimi höcümnären däwam itterde.
İzrail, şulay uq, strategik möhim dip sanağan könyaq Livandağı biş töbäktä ğaskärlären tota.
Livan sälamätlek saqlaw ministrlığı düşämbe könne ilneñ könyağına yasalğan İzrail höcümnärendä ike keşeneñ häläq buluın xäbär itte.