Ğazzädä ut tuqtamıy

İzrail armiyase pänçeşämbe irtän utnı tuqtatu kileşüen yañadan bozıp, Ğazzäneñ berniçä rayonına artilleriya häm hawa höcümnäre oyıştırdı.

Şahitlar “Anadolu” agentlığına beldergänçä İzrail artilleriyase häm oçqıçları Ğazzäneñ könçığışındağı Äl-Tuffax mäxälläsenä höcüm itkän. Höcümnär şulay uq Ğazzä üzägendäge Buräyc qaçaqlar lagerenıñ könçığış töbäklärenä dä yasalğan.

Çığanaq mäğlümatlarına qaraganda şahitlar İzrail xärbi texnikasınıñ Xan Yunısnıñ könçığışına ut açuın xäbär itte.

Höcümnär İzrail köçläre urnaşqan Ğazzä töbäklärendä buldı. Ülem yäki matdi zıyan turında mäğlümat birelmäde.

Fälästinlelär İzrailneñ 2023 yılnıñ oktyabrennän birle däwam itüçe genośidnı tuqtatqan utnı tuqtatu kileşüen küp tapqırlar bozuın belderä. Bu genośid näticäsendä 71 meñ 400dän artıq keşe hälak buldı. Alarnıñ kübese - xatın-qızlar häm balalar. Şulay uq 171 meñnän artıq keşe yaralandı.

Sälamätlek saqlaw ministrlığı mäğlümatlarına qaraganda utnı tuqtatu kileşüe tözelgännän birle İzrail höcümnärendä 450 fälästinle ülde, 1200dän artığı yaralandı.

Şulay uq İzrail BMO iminlek şurası qararına qaramastan Ğazzä qapqaların yañadan açudan baş tarta. BMOnıñ bu qararı töbäktä daimi häm totrıqlı utnı tuqtatunı, gumanitar yärdämne özleksez citkerüne häm töbäkne yañadan torğızunı taläp itä.