Törkiyä Transport häm asqorma ministrı Abdulkadir Uraloğlu İstanbul hawa mäydanınıñ şimbä könne 289 meñ 260 yulçığa xezmät kürsätep, Törkiyädä häm Awrupada böten waqıtlarnıñ iñ yuğarı könlek yulçı sanına ireşüen belderde.

Uraloğlu yasağan yazmaça belderüendä 1nçe avgustta İstanbul aêroportınıñ yulçı rekordın quyuın citkerde.

Hawa mäydanınıñ şimbä könne 289 meñ 260 yulçığa xezmät kürsätüen bilgeläp uzuçı Uraloğlu: "İstanbul aêroportı Törkiyädä häm Awrupada böten waqıtlarnıñ iñ yuğarı könlek yulçı sanına ireşte. Bu kürsätkeç belän İstanbul hawa mäydanıbız yaña rekord quydı”, - dip äytte.

Uraloğlu telgä alınğan şuşı hawa mäydanınıñ xalıqara aviaśiyädä strategik ähämiyäten könnän-kön arttıruın iskärtep uzdı.

İstanbul aêroportınıñ üzeneñ sıydırışlılığı, köçle asqorması häm xezmät kürsätü sıyfatı belän dönyadağı äydäp baruçı hawa mäydannarı arasında buluına basım yasawçı Uraloğlu: "Quyılğan bu yaña rekord hawa mäydanıbıznıñ global tranzit üzäge bularaq üz poziśiyäsen tağın da nığıtuın tağın ber qat kürsätüen” belderde.