Törkiyä transport häm asqorma ministrı Abdulkadir Uraloğlu “EUROCONTROL”nıñ 17nçe sentyabrdäge Awrupa aviaśiyäsenä ğomumi küzätü xisabın bäyäläde.

Xisapqa kürä, İstanbul hawa mäydanınıñ Awrupadağı liderliğın däwam itterüen belderüçe Uraloğlu: "İstanbul hawa mäydanıbız 7-13 sentyabr könnärendä könenä urtaça 1 meñ 643 oçış belän Awrupanıñ iñ tığız êşläwçe aêroportı buldı. Hawa mäydanıbızdan könenä 1 meñ 413 reys belän Amsterdam, 1 meñ 407 oçış belän Paris Charles de Gaulle kilä", dip äytte.

Uraloğlu, İstanbul hawa mäydanındağı oçış xäräkäteneñ uzğan yılnıñ şuşı uq çorına qarağanda 3%qa artuına işarät itep, Antalya aêroportınıñ da könenä urtaça 969 oçış belän Awrupanıñ iñ tığız êşläwçe 10 hawa mäydanına arasına kerüen iskärtep uzdı.

Dönyanıñ iñ tığız êşläwçe berençe 5 aêroportı arasında

Bu hawa mäydanınıñ global däräcädä dä möhim urınğa ireşüenä iğtibarnı yünältüçe Uraloğlu: "İstanbul hawa mäydanıbız 7-13 sentyabr könnärendä könenä urtaça 829 kitü oçışı belän dönya külämendä 5nçe urın aldı. Hawa mäydanıbız bu räweşle dönyanıñ iñ tığız êşläwçe 5 aêroportı arasına kerde", - dip äytte.

Uraloğlu, il külämendäge hawa transportı xäräkäte mäğlümatlärenä dä tuqtalıp uzıp, Törkiyäneñ könenä urtaça 4 meñ 191 oçış belän Awrupada iñ tığız transport xäräkäte külämenä iyä illär arasında 6nçı urın aluın, könenä urtaça oçış xäräkäteneñ uzğan yılnıñ şuşı uq çorına qarağanda 2%qa artuın belderde.