Törkiyä BMOnıñ Diñgezçelek şurasına qabat saylandı

Törkiyäneñ tışqı êşlär ministrlığı Änkara citäkçelegeneñ diñgez iminlege, diñgezçelek häm port xezmätlärendäge ışanıçlı rolen älege uñay saylaw näticäseneñ tağın ber tapqır assızıqlawın belderde.

Törkiyä tışqı êşlär ministrlığı Törkiyäneñ BMOnıñ Xalıqara diñgezçelek oyışmasına qabat saylanuı turında citkerde.

Ministrlık comğa könne yasağan belderüdä näticäneñ Törkiyäneñ diñgez iminlege, diñgez tirä-yağınıñ saqlanuı, xalıqara diñgez transportı häm port xezmätläre belän ber rättän diñgezçelek ölkäsendäge täcribäse yärdämendä oyışmadağı êffektiv häm ışanıçlı xaläten tağın ber qat raslawın açıqladı.

“Törkiyä dingezçelek ölkäsendäge küp yaqlı xezmättäşlekkä öleş kertergä däwam itäçäk,” – dip äytelgän belderüdä Törkiyäneñ berençe tapqır namzät bulğan 1999 yıldan bügengä qadär özleksez räweştä şurada wäkil buluı citkerelde.

BMOğa bäyle Xalıqara diñgezçelek oyışmasınıñ 34nçe ğomum şurası Londonda 3 dekabr könenä qadär baraçaq.