İzrail ğaskäre Ğazzäneñ Räfah şähärendä tağın biş fälästinlene ütergän

İzrail xärbi räsmi zatları Nahal brigadasınnan xärbi berlekneñ Räfahnıñ könçığışındağı cirastı asqormasında biş qorallı ir keşene bilgeläwen alğa sörde

By
İsrail armiyası Ğazzä sektorınıñ könyağındağı Räfah şähärendä 5 fälästinlene ütergän / AP

İzrail armiyası utnı tuqtatu kileşüe qısalarında basıp alğan Ğazzäneñ könyağında urnaşqan Räfah şähärendä tunneldän çığuların alğa sörep, biş fälästinlene üterüen belderde.

Armiya comğa könne bastırğan belderüendä Nahal brigadasınıñ xärbi törkemeneñ Ğazzäneñ könyağında urnaşqan Räfahnıñ könçığışındağı cirastı qorılmalarınnan çıqqan biş qorallı keşene bilgeläwen däğwä itte.

Räfah şähäre – 10nçı oktyabrdä ğämälgä kergän utnı tuqtatu kileşüendä bilgeläp uzılğança, İzrail ğaskäre tarafınnan basıp alınğan “sarı sızıq”nıñ könçığışına turı kilä.

İzrail media organnarı könnär buyı Räfahtağı tunneldä yaqınça 200 “Xamas” suğışçısınıñ tozaqqa êlägüen häm Fälästin qarşılıq kürsätü oyışması aradaşçılarınıñ bu keşelärgä Ğazzä êçendä oyışmanıñ kontrolendä bulğan töbäklärgä qurqınıçsız küçeş täêmin itelüe taläbenä Tel-Avivneñ xäzergä qädär cawap birmäwen belderä.

İzrail armiyası 2023nçe yılnıñ oktyabr ayınnan birle Ğazzädä kübese xatın-qız häm baladan torğan yaqınça 70 meñ keşene ütergän, 170 meñ 800dän kübräk keşene yaralağan häm töbäkne xäräbägä äyländerde.