Törkiyäneñ transport ministrlığı beldergänçä “Törkiyä cömhüriyäte däwlät timer yulları” şirkäte belän “Soğud Ğaräbstanı däwlät timer yulları” şirkäte arasında timer yulın tözekländerü, infrastrukturanı üsterü, yul xäräkäten citäkläw, mäğarif häm kiñäşmä mäs’älälärendä kileşü berketmäsenä qul quyıldı.

Kileşü “Törkiyä cömhüriyäte däwlät timer yulları” ğomum mödire Väysi Kurt häm “Soğud Ğaräbstanı däwlät timer yulları” ğomum mödire Bäşar bint Xalit Äl Malik citäklägän wäkillek qatnaşında Soğud Ğaräbstanında uzğan cıyılışlarda düşämbe könne imzalandı.

Törkiyäneñ transport ministrlığı bu täraqqıyätne Törkiyäneñ sośial media platforması “NSosyal”dä citkerde.

Belderüdä tübändäge yullar urın ala: “Cıyılışta timer yulın tözekländerü, infrastrukturanı üsterü, yul xäräkäten citäkläw, mäğarif häm kiñäşmä mäs’älälärendä ozın möddätle xezmättäşlek forsatları qaraldı.”

Cıyılışlarda ike timer yulı oyışması arasında Timer yulı tarmağında xezmättäşlekneñ üsterelüenä qarağan kileşü berketmäse imzalandı.

“Bu xezmättäşlek yärdämendä “Törkiyä cömhüriyäte däwlät timer yulları” şirkäte xalıqara timer yulı çeltärendäge köçle partnyerlığın nığıtunı häm Törkiyäneñ global transport koridorlarındağı lider wazğıyäten tağın da köçäytüne maqsat itä,” – diyelde belderüdä.

Timer yulı xezmättäşlege çeltären kiñäytü

Törkiyä soñğı waqıtta ğaräp dönyasında timer yulı xezmättäşlege çeltären kiñäytä. Törkiyäneñ transport ministrı Abdulkadir Uraloğlu citkergänçä Törkiyä, Süriyä häm Yordaniyaneñ transport ministrları regional transport tarmağında tarixi adım bularaq Hicaz timer yulın qabat xäräkätkä kiterü mäs’äläsendä kileşte.

Ministr Süriyädäge timer yulınıñ tözelep betmiçä qalğan 30 çaqrımın Törkiyäneñ yärdäme belän tämamlanacağın belderde.

Törek ministrı şulay uq Yordaniyaneñ Süriyädäge lokomotivlarnı tözekländerü häm êşlätü öçen texnik mömkinçeleklärne tikşeräçägen açıqladı. Törkiyäneñ Akabe portı aşa Qızıl diñgez bäyläneşen nığıtu öçen dä urtaq texnik êşçänleklär başqarılaçaq.