Franśiyädä qoş grippı tarala

Franśiya qoş grippı kisätüe däräcäsen “urta” däräcädän “yuğarı” däräcägä kütärde häm Awrupada bu çirneñ sezonğa bäyle räweştä yañadan taraluı arqasında il külämendä barlıq qoş fermalarındağı qoş-qortlarnı yabıq urınnarda totu şartın kertte.

Qoş grippı — küçmä qoşlar arqılı taralğan sezonlıq awıru. Soñğı yıllarda dön’ya külämendä un millionlağan qoş-qortnı  üterügä kitergän kizü  citeşterne tuqtata häm keşelärgä yoğu borçıluların da arttıra.

İlneñ Awıl xucalığı ministrlığı Räsmi gazetta yasağan belderüendä:
“Bu qararnamä Franśiyäne dä kertep Awrupadağı küçmä qırğıy qoşlarda infekśiya tabılu häm qoş fermalarında kizü raslanğannan soñ bastırıldı”— dip äytelde.

Ministrlıq qararnamäsendä äytelgänçä, älegä qadär fermalarda ike, keçkenä ğailä xucalıqlarında öç qoş grippı oçrağı terkälgän. Berençe oçraq oktyabr’ urtalarında Franśiyäneñ tön’yagındağı fazan häm qır tawığı üsterü fermasında tabılğan ide.

Kisätü däräcäsendäge üzgäreş çärşämbe könne gamälgä keräçäk.

Uzğan yıl bu üzgäreş noyabr’dä, 2023 yılda isä dekabr’ ayında bulğan, bıyıl isä oktyabr’ ayında ğamälgä kertelä.