Yuğarı däräcäle AQŞ diplomatı Törkiyägä kilä
Maykl Rigas Berençe İznik şurası qotlawlarında qatnaşaçaq, İstanbulda oçraşular ütkäräçäk, Ğıyraq häm Qodüskä säfär qılaçaq.
AQŞnıñ ölkän diplomatı bu atnada Törkiyädä uzaçaq häm Rim Papası Leo XIV dä qatnaşaçasq Berençe İznik (Nikeya) şurasınıñ 1700 yıllığı uñayınnan ütkäreläçäk çaralarda Vaşingtonnı wäkillek itäçäk.
AQŞ däwlät departamentı, sişämbe könne yasağan belderüendä, däwlät särqatibeneñ idarä häm çığanaqlardan cawaplı urınbasarı Maykl Rigasnıñ 27 nçe noyabr’dän 5 nçe dekabr’gä qadär Törkiyä, Ğıyraq häm Qodüskä baraçağın citkerde.
Rigas Törkiyädä İznik (Nikeya) şurasın iskä alu tantanasında AQŞ delegaśiyäsen citäkläyäçäk häm AQŞ-Törkiyä mönäsäbätlären nığıtu öçen söyläşülär ütkäräçäk.
Rigas şulay uq İstanbul patriarxı Varfolomey belän dä oçraşaçaq.
Berençe İznik (Nikeya) şurası — 325 yılda Rim imperatorı Konstantin tarafınnan çaqırılğan, irtä xristian dön’yasınıñ törle töbäklärennän yepiskoplarnı berläştergän häm xristianlıqnıñ töp täğ’limatlarına qağılışlı xälitkeç qararlar qabul itüdä möhim rol’ uynağan.
Nikeya - İstanbulğa yaqın Bursa vilayäteneñ kül buyındağı İznik qalasınıñ borınğı iseme.