Törkiyä ilbaşı Ärdoğan Finlyandiya däwlät başlığı belän söyläşte
İlbaşı Ärdoğan finlyandiyäle wazıyfadaşı Aleksandr Stubbqa Ukraina belän Rusiyä arasındağı suğışnı tuqtatu tırışlıqları turında söyläde.
Törkiyä ilbaşı Räcäp Tayyip Ärdoğan belän Finlyandiya ilbaşı Aleksandr Stubb çärşämbe könne telefonnan söyläşep, illärara mönäsäbätlär, töbäklärara häm dönya külämendäge mäs'älälär turında fiker alıştı, dip belderde Törkiyä ilbaşı matbuğat xezmäte.
Änkaranıñ Xelsinkı belän säwdä külämen arttıru öçen tırışuların assızıqlap, Ärdoğan Törkiyäneñ yasalaçaq adımlar aşa mönäsäbätlärne nığıtırga niyätläwen äytte.
Ärdogan Ukraina belän Rusiyä arasındağı tınıçlıq protsessınıñ uñışlı tämamlanuı öçen Törkiyäneñ tırışuın bilgeläp uzdı häm, östäp, İstanbul söyläşüläreneñ — diplomatik platforma buluın, anıñ "täêsire inde raslanuın" citkerde.
Ärdogan, monnan tış, Ğazzädä utnı tuqtatu täêmin itü protsessınıñ tormışqa aşırılışın yaqınnan küzätulären, töbäktä daimi tınıçlıqka barı tik ike däwlätle çişeleş aşa ireşelä aluın häm Finlyandiyaneñ Fälästin däwläten tanuına söyenäçäklären belderde.
Ärdogan Stubbnı Finlyandiyaneñ bäysezlek köne — 6 dekabr belän qotladı.