Somalineñ küzläw oyışması “Äl-Şäbab” terrorçıların üterde

Somali milli küzläw häm iminlek oyışması NISA sişämbe könne yasağan açıqlawında, kim digändä 23 “Äl-Şäbab” terrorçısı üterelgän dürt operaŝiya ütkärüen belderde.

NISA mäglümatlarına qaraganda, operaŝiyälär ilneñ xalıqara iminlek partnyerları belän koordinaŝiyälängän räweştä, kön’yaq-üzäk Hirşabelle provinŝiyaseneñ Hiraan häm Urta Şabelle töbäklärendä ütkärelde.

Oyışma terrorçılarnıñ provinŝiyadä höcümnär başlarğa äzerlängän waqıtta maqsat itep alınuın äytte.

NISA üz açıqlawında bolay dide: "Bu kirtä quyuçı operaŝiyälär Mahas rayonı yanındagı Wab-weyn häm Gobo töbäklärendä “Äl-Şäbab” terror oyışmasınıñ suğışçıların mobilizaŝiyäläwe turında NISA xäbär alğannan soñ tormışqa aşırıldı."

“Äl-Şäbab” — “Äl-Kaidä” terror oyışmasına bäyle törkem.

Açıqlawğa kürä, operaŝiyälär waqıtında Hiraan töbägendäge Mokokori rayonında urnaşqan terrorçı lagerı da yuq itelde. “Äl-Şabab” 16 yıldan artıq Somali xökümätenä qarşı ğıysyannar alıp bara häm yış qına iminlek köçlären, räsmi zatlarnı häm tınıç xalıqnı maqsat itep ala.

Somali armiyäse, uzğan iyül ayınnan birle, Afrika Berlegeneñ Somaliğa yärdäm häm totrıqlılıq missiyäse häm başqa xalıqara partnyerlar yärdäme belän “Äl-Şabab”ka qarşı operaŝiyälären köçäytte.

Afrika Berlege missiyäseneñ wazıyfa waqıtı dekabr’ ayında Angliyä yaqlağan qarar belän BMO iminlek şurası tarafınnan tağın ber yılğa, 31 dekabr’gä qadär ozaytıldı.