"İzraille ğaskärilär - "fäläkät aldında"

İzrail oppoziśiyase liderı Yair Lapid xökümätne suğış köçläre citmäw arqasında ilne qurqınıçsızlıq fäläkätenä alıp baruda ğayepläde.

İzrail mediasında çıqqan xäbärlärgä kürä, Lapid pänceşämbe könne televideniyedağı çığışında: "İzrail saqlanu köçläre awır xäldä. Xökümät yaralanğan ğaskärilärne suğış qırında qaldıra,"  - diyep, ber kön êlek Ğomum ştab başlığı, general-polkovnik Eyal Zamirnıñ iminlek kabinetına yasağan kisätüen qabatladı.

Lapid: "Xökümät armiäne strategiyäsez, citärlek resurslarsız küp frontlı suğışqa êtärä," - dide.

Xäbärlärdä Zamirnıñ iminlek kabinetına İzrail saqlanu köçläreneñ tarqalu çigendä buluın äytüe belderelde.

Armiya wäkile, general-mayor Êffi Defrin soñraq kübräk suğış köçläre kiräklegen rasladı, bigräk tä Livan frontında.

Defrin: "Livan frontında buldırılğan saqlanu zonasına östämä İzrail köçläre taläp itelä," - diyep, yaw astındağı Yordannıñ könbatış üzänlege, Ğazzä häm Süriyädä artqan ixtiyaçlarnı da telgä aldı.