Qartlar yortındağı yanğında 10 keşe ülde
Bosniya-Gerśegovinada çıqqan faciğada 20 keşe yaralandı
Cirle media Tuzla şähäreneñ tönyağında urnaşqan qartlar yortında çıqqan yanğında ülüçelärneñ buluın belderde.
İlneñ tönyaq-könçığışında urın alğan Tuzla provinśiyasendä çıqqan faciğada 10 keşeneñ ğomere özelde, 20 keşe yaralandı.
Qartlar yortınnan yasalğan belderüdä: “Qızğanıç, 10 keşebezne yuğalttıq häm 20 keşe yaralandı,” – dip äytelde. Yanğın cirle sägät belän 20:45tä başlanğan.
Bosniya-Gerśegovina mediasınnan “Federalna TV”ğa kürä yanğınnı ber sägät êçendä sündergännär.
Faciğaneñ säbäbe älegä bilgesez.
Tuzla universitetınıñ Klinika üzäge süzçese tuzlanski.ba xäbär portalına yasağan belderüenä kürä berniçä xasta uglerod oksidınnan ağulanğan.
"Öç xasta klinikada däwalana, ike awıru reanimaśiyadä,” – dide ul.
“Federalna TV” beldergänçä kimendä 5 keşe yaralandı, 3 keşe haman da reanimaśiyadä yata.
Räsmi zatlar yanğınnıñ säbäben tikşerä. Aşığıç yärdäm kürsätü törkemnäre häm yanğın sünderüçelär waqıyğa urınında.