8 nçe TRT Gumanitar fil’m festivalenä ğarizalar qabul itü başlandı
Bu xaqta TRT ğomum mödire Mäxmät Zahid Sobacı belderde.
TRT ğomum mödire Mäxmät Zahid Sobacı “X” platformasında yasağan belderüendä TRT Gumanitar fil’m festivalenä ğarizalar qabul itelä başlawın äytte.
Sobacı çärşämbe könne yasağan belderüendä keşelekneñ çın mäsä’lälären kino aşa kürsätä torğan festival’gä ğarizalar qabul itüneñ soñğı waqıtı 2026 nçı yılnıñ 15 nçe iyüne dip belderde.
Törkiyäneñ däwlät teleradiokompaniyäse TRT tarafınnan oyıştırılğan festival’ kiçektergesez gumanitar mäs’älälärne kino köçe aşa yaqtırtunı häm keşelärneñ üz täcribälären urtaqlaşuın maqsat itep quya.
Êlekke yıllarda sośial’ yaqtan añlı xikayäläw häm qarşılıqlar, küçenü, tigezsezlek, keşelärneñ çıdamlılığı kebek temalarnı yaqtırtqan dokumental’ fil’mnarğa yünältelgän festival’ böten dön’yadan kino töşerüçelärne cälep itüçe xalıqara platformağa äylände.
Bıyılğı çara şuşı yünäleşne däwam itär, global’ qolaçın kiñäyter, gumanitar diskursqa, şulay uq täêsirle vizual’ xikäyäläwgä basım yasar dip kötelä.