“Törkiyä barlıq Ğazzä tınıçlıq iniśiativaların da möhim dip sanıy”

Törkiyä ilbaşı Räcäp Täyyip Ärdoğan Braziliya däwlät başlığı Luis İnacio Lula da Silvağa Törkiyäneñ Ğazzädä tınıçlıq urnaştıru maqsatın küzdä totqan barlıq iniśiativalarnı möhim dip sanawın äytte häm Braziliyäneñ İzrailneñ Ğazzädäge genośidı qarşında tawış -tınsız qalmawın yuğarı bäyäläwen belderde.

Törkiyä ilbaşı idaräseneñ êlemtä bülege çärşämbe könne Törkiyäneñ “NSosyal” sośial’ media platforması aşa yasağan belderüendä Ärdoğan belän Lula da Silvanıñ telefon söyläşüe ütkärep, ike yaqlı, töbäk häm global mäs’älälärne qarawların citkerde.

Ärdoğan Änkaranıñ Ğazzädäge gumanitar fäläkätne tuqtatu, tınıçlıq urnaştıru häm Fälästin cirlären yañadan torğızu öçen êşläwen däwam itäçägen äytte. Törkiyä ilbaşı şulay uq ike yaqlı mönäsäbätlärne küp ölkälärdä üsterü häm аlğa cibärü öçen dä êşläyäçäklären belderde.

İzrail 2023 yılnıñ oktyabrennän birle töbäktäge genośid suğışında 71 meñnän artıq fälästinlene üterde, 171 meñnän artıq keşene yaraladı häm Ğazzäneñ grajdanlıq infrastrukturasınıñ yaqınça 90%ın yuqqa çıgardı.

Ğazzägä soñğı höcümnärendä häm tağın ber tapqır utnı tuqtatunı açıqtan -açıq bozuda İzrail alarında 3 jurnalist, xatın-qızlar häm balalar da bulğan kim digändä 11 fälästinlene üterde.

İzrail köçläre Ğazzäneñ kön’yaq häm könçığış bufer töbäklären, şulay uq Tön’yaq Ğazzäneñ zur öleşlären basıp alıp, cirlärneñ 50%tan artıq öleşen kontrol’ astında tota.

2025 yılnıñ 10 oktyabrendä utnı tuqtatu köçenä kergännän birle İzrail höcümnäre näticäsendä 483 fälästinle üterelde, 1 287 keşe yaralandı; şuşı çorda İzrail yaqınça 2,4 million fälästinle awır şartlarda yäşägän Ğazzägä azıq-tölek, sıyınu materialları häm mediśina yärdäme kertüne qatğıy räweştä çikläde.