İndoneziyädäge cir şuışu fäläkätendä ülüçelär sanı kim digändä 64kä citkän
Köçle yawım - töşemnär cir şuışuğa kitergän.
Uzğan atnada İndoneziyäneñ Könbatış Yava töbägendä bulğan cir şuışu fäläkätendä ülüçelär sanı 64 kä citkän, 16 keşe yuğalğan.
Êzläw-qotqaru êşläre 8 kön däwam itä.
Bandung êzläw - qotqaru agentlığı citäkçese Ade Dian Permana beldergänçä, şimbä könne töbäktä tağın 4 mäyet tabılğan, şulay itep raslanğan ülüçelär sanı 64 kä citkän, yaqınça 16 keşe äle dä yuğalğan dip sanala.
Ul êzläw operaśiyäseneñ 8 kön buyı êzläw êtläre häm awır texnika yärdämendä däwam itüen, bu êşkä yaqınça 3 675 xezmätkärneñ cälep itelüen beldergän.
Xäzergä qädär 49 mäyet açıqlanğan häm ğailälärenä tapşırılğan, 75 keşe imin räweştä qotqarılğan.
Diñgez flotı sişämbe könne çik buyı patrule künegüläre waqıtında 23 ğaskärineñ hälaq buluın xäbär itte.
24 gıynwarda Bandung Baratnıñ Pasir Langu awılında bulğan cir şuışu fäläkäte köçle yañğırlar arqasında barlıqqa kilä.
Êzläw-qotqaru agentlığı Basarnas aşığıç yärdäm waqıtın 6 fevral’gä qädär tağın 7 köngä ozaytqan.
Zıyan kürgän töbäktä êzläw häm qotqaru êşläre däwam itä.