Päzäşkiyan AQŞnı İrannıñ ayaqqa basuın kirtäläwdä ğayepläde

İran ilbaşı Mäsud Päzäşkiyan AQŞ'nı "İran islam respublikası berqayçan da üz ayaklarına basarğa mömkinlek tapmasın öçen" tırışlıq kürsätüdä ğayepläde.

Päzäşkiyan, yañadan kertelgän xalıqara sanktsiyälärgä qaramastan, İran atom-töş qoralı yasarga omtılmıy dip belderde. Bu turıda ul yäkşämbe könne “Fox News” kanalına birgän interv'yusında äytte.

"Bez berqayçan da tınıç atom-töş programmalarınnan tış maqsat quymadıq," – dide ul. "Atom-töş qoralına yäki başqa törle küpläp yuq itü qorallarına bezd8 urın yuq. Bez berqayçan da atom-töş qoralı yasarga omtılmadıq. Bez berqayçan da atom-töş qoralı yasarga omtılmayaçaqbız."

'Snêpbek'

Yäkşämbe könne Frantsiya, Germaniya häm Böyekbritaniyä BMO İminlek Şurasınıñ 2231 nçe qararı qısalarında "snêpbek" mexanizmın êşkä cikte. Bu mexanizm, ägär İran üz yöklämälären ütämäsä, 30 kön êçendä sanktsiyälärne yañadan kertüne täêmin itä.

Bıyıl başında AQŞ häm İzrail höcümnärennän soñ, Tähran BMOnıñ atom-töş ênergiyäse agentlığı (IAEA) belän xezmättäşlekne tuqtattı, agentlıqnı üzlärenä qarşı buluda ğayepläde.

Bıyıl başında AQŞ xärbi höcümnäre İran atom-töş qorılmaların utqa tottı häm Tramp administratsiyäse wäkilläre "uran bayıtu urınnarın tulısınça yuq ittek" dip belderde, läkin İran zıyan külämen kire qaqtı.

Sanktsiyälär, öç il Tährannı atom-töş yöklämälären bozuında ğayeplägännän soñ, axırğı 10 yılda berençe tapqır yäkşämbe könne yañadan kertelde, .

Bu çaralar Tährannıñ atom-töş häm ballistik raketa programmaları belän bäyle êşlären tıyıp, ildäge iqtisadqa kiñräk täêsir yasayaçaq dip kötelä.